قلب بلا نبض
Admin
عدد المساهمات : 307
نقاط : 665
تاريخ الميلاد : 16/09/1991
تاريخ التسجيل : 28/08/2009
العمر : 32
العمل/الترفيه : مافيش
 المزاج : تمام الحمد لله
 | موضوع: تعليم صناعة الاكسسوار خطوه بخطوه بالصور  الجمعة يونيو 18, 2010 9:15 am | |
| السلام عليكم ورحمه الله وبركاته اهلا
بيكم يا اخواني واخواتي الكرا م ان شاء الله النهارده هاكمل معاكم الجزء
الثاني من طريقة عمل الاكسسوارات خطوة خطوة احنا
كنا اتكلمنا المرة اللي فاتت عن الادوات وطريقة عمل عقد بسيط بالخيط
الشفاف وكمان اتعرفنا على الزرد والمسامير وعرفنا اشكالهم النهارده
ان شاء الله هانتعلم نعمل حلق بسيط باستخدام المسمار والزرد وده تقريبا نفس شكل الحلق اللي هانعمله النهارده [ندعوك للتسجيل في المنتدى أو التعريف بنفسك لمعاينة هذه الصورة] اولا : - احنا
عرفنا خلاص الادوات بتاعتنا المرة اللي فاتت وهاتفضل معانا ونشوف
هانستعملها ازاي وكل حاجه هانستعملها في ايه بالظبط هانعمل
حلق يشبة الصورة ولكن ثلاث خرزات بس مش اربعه هانحتاج اربع خرزات ازرق
واتنين لولي بني وشوية مسامير وشوية زرد واتنين عليقة الحلق ( بالنسبة
لعليقة الحلق بتتباع جاهزة عند نفس المحلات السابق ذكرها ودي سعرها الدستة
بتلاته جنية وبرضو فيه منها الدهبي والفضي والاوكسيدية) ودي
صوره الخامات اللي هانشتغل بيها [ندعوك للتسجيل في المنتدى أو التعريف بنفسك لمعاينة هذه الصورة] أولا هانجيب الخرز الازرق واللولي
وندخل فيهم المسمار بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] ثانية بالزرادية المدببه شوية دي هانتني
المسمار بزاوية قايمة بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وبعدين طبعا احنا المفروض بلف الجزء ده
بحيث انه يعمل حلقة زي اللي موجوده اساسا في المسمار بس ده بيتوقف على شكل
وحجم الخرزة اللي احنا حطينها ياعني هنا الباقي من المسمار ده طويل على انه
يتلف ويتعمل حلقه فاحنا بنقوم بقص الزيادة بالقصافه بحيث اننا نسيب مسافه
حوالي نص عقله الاصبع كده بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] بعدين بنلف الجزء الفاضل من المسمار
بواسطه الزرادية ذات الرأس المدور بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وده فيديو بطريقة لف الجزء التاني من
المسمار بالتفصيل للي مقدرش يوضحها بالظبط من الصور [ندعوك للتسجيل في المنتدى أو التعريف بنفسك لمعاينة هذا الرابط] وده هايبقى شكلها بعد ما لفينا الجزء التاني من المسمار [ندعوك للتسجيل في المنتدى أو التعريف بنفسك لمعاينة هذه الصورة] وطبعا بنكرر نفس الطريقة مع باقي الخرز
واللولي اللي عندنا بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] كده مش فاضل غير اننا نشبك الحاجات دي
في بعضها بواسطة الزرد اولا هانجيب زردة ونفتحها
وهانستخدم الزرادية العاديه والتانية المدببة واحده بنمسك بيها والتانية
بنفتح بيها بالشكل ده بنمسك الزردة بالبنسة المدببة ونفتحها بالتانية
العادية [ندعوك للتسجيل في المنتدى أو التعريف بنفسك لمعاينة هذه الصورة] ودي بعد ما تتفتح هاتبقى بالشكل ده واحب
اقول ملحوظة هنا اننا مش بنفتح الزردة بالعرض لاء بنفتحها لقدام ولورا
ياعني مش بنشد واحنا ماسكين على اليمين والشمال لاء بنزقها رأسي مش افقي
بالشكل ده بحيث ان شكل الزردة ميتغيرش ياعني نفتحها ونقفلها وتفضل على
شكلها المتساوي والصورة هاتوضح النقطه دي ركزو في شكل الزرده وهيا مفتوحة
هاتعرفو انا قصدي ايه [ندعوك للتسجيل في المنتدى أو التعريف بنفسك لمعاينة هذه الصورة] بعد كده بنجيب العليقة بتاعت الحلق
وندخلها في الزردة بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وبعدين نفتح الزردة تاني وندخل فيها
خرزة زرقاء بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وبنفس الطريقة ندخل زردة في الخرزة
الزرقا وبعدها واحده لولي بني بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وكمان نكمل ونحط خرزة زرقا بعد اللولي
البني بالشكل ده [ندعوك للتسجيل في المنتدى أو التعريف بنفسك لمعاينة هذه الصورة] وكده بنكون خلصنا الفردة الاولى من
الحلق وبنفس الطريقة هانعمل الفردة التانية وحسب ذوقنا عايزين الحلق طويل
قصير ممكن نعمله واحده لولي بس ممكن نعمله كله لولي كله خرز واللي في
الصورة معمول اربعه مش تلاته طبعا الاذواق دي تبعكم بقى ابدعو فيها براحتكم
وده الشكل النهائي اللي بيكون عليه الحلق [ندعوك للتسجيل في المنتدى أو التعريف بنفسك لمعاينة هذه الصورة] بالنسبة للكروت دي يا جماعه دي اختراعي
انا بدل من الليبل او التكت لاني كنت محتاره اشبك الحاجات في اية ودي برضو
هاتلاقوها هناك في نفس المكان عند الناس اللي بتبيع حاجات المكتبات واكياس
الهدايا والحاجات دي وسعرها حوالي 18 جنية للباكت كلها وبيكون فيها تقريبا
100 كارت -----------------------------------------------------------------------وبكده
نكون عرفنا ازاي نستعمل المسامير والزرد وعرفنا ازاي نعمل حلق وبنفس
الطريقة ممكن نعمل عقد بدل ما نركب عليقة الحلق نكمل تشبيك الخرز في بعضه
بواسطة الزرد لحد الطول المناسب لينا ونعمل عقد بنفس الطريقة مفيهاش اي
تغيير وبالخيط الشفاف المطاط ممكن نعمله غويشة كمان ونكون عملنا طقم جميل
بايدينا ========================================================وبكده
اكون انتهيت من الجزء التاني وان شاء الله معادنا المرة الجاية مع عقد شيك
واتمنى ان يكون درس النهارده عجبكم ويكون سهل وبسيط ويارب الصور تكون
واضحة برضو وفي الاخر هاسيبلكم مفاجأه صغيرة طريقة
عمل حلق شكل تاني بأبسط مايكون حتى الادوات بدائية جدا مستخدمين فيها
القصافه العادية بتاعت الاظافر واتمنى يحوز على اعجابكم [ندعوك للتسجيل في المنتدى أو التعريف بنفسك لمعاينة هذه الصورة] | |
|
