اصحاب علي طول
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسية<A class=normalأحدث الصورالتسجيلدخول




 

 دورة تعليم صناعة الاكسسوارات من الصفر خطوه بخطوه بالصور

اذهب الى الأسفل 
كاتب الموضوعرسالة
قلب بلا نبض
Admin
قلب بلا نبض


عدد المساهمات : 307
نقاط : 665
تاريخ الميلاد : 16/09/1991
تاريخ التسجيل : 28/08/2009
العمر : 32
العمل/الترفيه : مافيش
المزاج المزاج : تمام الحمد لله

دورة تعليم صناعة الاكسسوارات من الصفر خطوه بخطوه بالصور Empty
مُساهمةموضوع: دورة تعليم صناعة الاكسسوارات من الصفر خطوه بخطوه بالصور   دورة تعليم صناعة الاكسسوارات من الصفر خطوه بخطوه بالصور Emptyالجمعة يونيو 18, 2010 9:07 am

سلام عليكم ورحمه
الله وبركاته


النهارده هابتدي معاكم ان شاء الله أول درس في
تعليم طريقة عمل الاكسسوارات خطوة خطوة حتى الاحتراف بإذن الله

أولا
نتعرف على الأدوات اللازمه لعمل الاكسسوارات


1- الخيط الشفاف
[ندعوك للتسجيل في المنتدى أو التعريف بنفسك لمعاينة هذه الصورة]


[size=24]2- بنسة (زرادية )
[ندعوك للتسجيل في المنتدى أو التعريف بنفسك لمعاينة هذه الصورة]

3- قصافة
[ندعوك للتسجيل في المنتدى أو التعريف بنفسك لمعاينة هذه الصورة]

4- بنسة ببوز ملفوف (رأس مدور)

[ندعوك للتسجيل في المنتدى أو التعريف بنفسك لمعاينة هذه الصورة]

5- زرادية عادية صغيرة
[ندعوك للتسجيل في المنتدى أو التعريف بنفسك لمعاينة هذه الصورة]


دي كل الادوات اللي ممكن نحتاجها عشان نعمل عقد او
انسيال او حلق او اي اكسسوار في الدنيا
وبالنسبة للادوات دي احنا ممكن
نلاقيها في العتبة في الموسكي واسعارها من 6- 8 جنية مش اكتر من كده والخيط
الشفاف سعر البكره 4 جنية
بالنسبة للخرز طبعا الاشكال والالوان منه
كتيييير جدا وده بيرجع طبعا لذوقنا الخاص وبرضو في نفس المكان هانلاقي كل
الناس اللي بتبيع الخرز ده او الاحجار وبالنسبة للسعر هو بالكيلو واقل حاجه
ثمن كيلو وغالبا بيتراوح سعر الكيلو ما بين 50 - 80 جنية وطبعا التمن كيلو
ده بيعمل كتير لانه مش بيستخدم صافي بيدخل معاه اشكال تانية وممكن نشتري
الخمسين جرام بخمسة جنية ده افضل للناس المبتدئة عشان تجرب وكده وفي نفس
الوقت متصرفش كتير لحد ما تتعود وايديها تاخد على الشغل

بعد ما
نحترف الشغل شوية ونحب نبتدي مشروع هانحتاج ميزان جرامات وده شكل الميزان
اللي عندي
[ندعوك للتسجيل في المنتدى أو التعريف بنفسك لمعاينة هذه الصورة]

ده الميزان لانه زي ما بنشتري الحاجات بالجرامات لما نيجي
نحسب التكلفه اكيد هانحتاج نوزن العقد وطبعا ممكن نستخدم اي ميزان حتى لو
بتاع مطبخ ولكن ده ادق لان فيه حاجات ممكن تكون صغيرة متتشافش في موازين
المطبخ والميزان سعره 120 جنية وتلاقوة عند اي حد بيبيع موازين او في خان
الخليلي

طبعا عشان نعمل عقد او حاجه بسيطة مبدئيا فاسهل طريقة
للمبتدئين هيا الشغل بالخيط الشفاف لان نتيجته حلوة وسهل جدا وهو مجرد اننا
بنجيب الخرز اللي على ذوقنا صغير كبير احجار اي حاجه ونلضمهم في بعض وفي
الاخر نربطهم بطريقة عاديه جداااااا وفيه من الخيط الشفاف ده مطاط زي
الاستك ده عشان الغوايش ودي شكل غويشة سهله وبسيطه وشكلها شيك في نفس الوقت


[ندعوك للتسجيل في المنتدى أو التعريف بنفسك لمعاينة هذه الصورة]



وده شكل تاني لعقد في منتهى الجمال بنفس الطريقة
مجرد خيط شفاف

[ندعوك للتسجيل في المنتدى أو التعريف بنفسك لمعاينة هذه الصورة]

وطبعا الاشكال والافكار لا تنتهي

ده كان النوع
الاول السهل من الاكسسوارات النوع الثاني وهو الشغل بالمسمار والزرد طبعا
فيه ناس كتير بتسأل دايما على شكل المسمار والزرد ده عشان كده جبتلكم صورها

ده
المسمار بيكون فيه حلقه من ناحية والناحية التانية احنا اللي بنقوم بتنيها
بعد ما ندخل فيها الخرزة بتاعتنا وفيه منه طويل وفيه منه قصير طبعا يفضل
المسمار الطويل عشان ياخد اي حجم للخرز او الاحجار وفيه منه كل الالوان فضي
دهبي اوكسيديه (نحاسي) وفيه مسمار بيكون مفيهوش حلقه بيكون بدل الحلقة دي
رأس صغيرة زي راس الدبوس بالظبط وده عشان الحاجات اللي بتكون في الاخر
ميكونش شكلها وحش لو بانت الحلقة وهانشوف كل ده في الدروس الجاية ان شاء
الله

[ندعوك للتسجيل في المنتدى أو التعريف بنفسك لمعاينة هذه الصورة]

وده شكل الزرد وهو عباره عن حلقات بنستخدمها في الحلقان
وفي تشبيك الاعقاد مع بعضها وبرضو فيه منها احجام وده اصغر حجم انا شخصيا
بستعمله دايما لانه شكله شيك وبرضو فيه منه كل الالوان دهبي وفضي ونحاسي

[ندعوك للتسجيل في المنتدى أو التعريف بنفسك لمعاينة هذه الصورة]

ودي كانت كل الادوات اللي ممكن نحتاجها في بدايه مشروع
اكسسوارات مش هاتحتاجو اكتر من كده ابدا وربنا يوفق الجميع يارب واتمنى
يكون الشرح واضح والصور واضحة وان شاء الله في الدروس الجاية هانتعلم الشغل
بالمسمار والزرد واستخدام الادوات وهانتعلم دلايات الموبايل وعليقات الشنط
والحلقان وكل شئ ان شاء الله وهحاول انزلكم كمان فيديوهات لشرح اكثر وضوح
واي سؤال في درس النهارده انا تحت امركم لا تترددو في السؤال قلبي

وده الجروب بتاعي على الفيس بوك لو حابين تتفرجو
على شغلي وتقولولي رأيكم وتسألوني عن اي حاجه
الرجوع الى أعلى الصفحة اذهب الى الأسفل
https://ashab3alatool.yoo7.com
قلب بلا نبض
Admin
قلب بلا نبض


عدد المساهمات : 307
نقاط : 665
تاريخ الميلاد : 16/09/1991
تاريخ التسجيل : 28/08/2009
العمر : 32
العمل/الترفيه : مافيش
المزاج المزاج : تمام الحمد لله

دورة تعليم صناعة الاكسسوارات من الصفر خطوه بخطوه بالصور Empty
مُساهمةموضوع: رد: دورة تعليم صناعة الاكسسوارات من الصفر خطوه بخطوه بالصور   دورة تعليم صناعة الاكسسوارات من الصفر خطوه بخطوه بالصور Emptyالجمعة يونيو 18, 2010 9:10 am

منقول
الرجوع الى أعلى الصفحة اذهب الى الأسفل
https://ashab3alatool.yoo7.com
 
دورة تعليم صناعة الاكسسوارات من الصفر خطوه بخطوه بالصور
الرجوع الى أعلى الصفحة 
صفحة 1 من اصل 1
 مواضيع مماثلة
-
» تعليم صناعة الاكسسوار خطوه بخطوه بالصور
» طريقة عمل الشوريك بالصور
» التعليم والجامعات بره بالصور
» ~*بالصور *~ الورود في اليابااان وآآآآآآآو
» قصة سفينة تيتانيك كامله بالصور

صلاحيات هذا المنتدى:لاتستطيع الرد على المواضيع في هذا المنتدى
اصحاب علي طول ::   :: تعليم صناعة الاكسسوارات-
انتقل الى: