الرئيسية<A class=normalاليوميةس .و .جبحـثالأعضاءالمجموعاتالتسجيلدخول




شاطر | 
 

 "كولة ابو ليلة".......قطعة من كوكب آخر على ارض مصر....مش مصدق ؟؟....طب ادخل و شوف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قلب بلا نبض
Admin
avatar

عدد المساهمات : 307
نقاط : 665
تاريخ الميلاد : 16/09/1991
تاريخ التسجيل : 28/08/2009
العمر : 26
العمل/الترفيه : مافيش
المزاج المزاج : تمام الحمد لله

مُساهمةموضوع: "كولة ابو ليلة".......قطعة من كوكب آخر على ارض مصر....مش مصدق ؟؟....طب ادخل و شوف   الأحد فبراير 21, 2010 11:05 pm

انا مش عارف انتو قريتو كلمة "كولة" صح و للا لأ ؟؟


هيّا فعلا كلمة غريبة


لكن ؟؟


هيا تنطق بضم الكاف و تسكين الواو و فتح اللام ؟؟


وضحت كده ؟؟


ايه بقى حكاية كولة ابو ليلة ديه ؟؟


في كتابه الراااااااااائع "رجل المستحيل ....اوراق لم تنشر"


و اللي بيتناول فيه جزء هام من حياته و بيحكي عن ذكرياته مع فكرة رجل المستحيل و الاهم من كل ده.......ذكرياته في صعيد قنا الجواااااني اووووووووي


و اللي منها حكايتنا


سرد د/نبيل فاروق حكاية هذه الكولة المنسوبة لأبو ليلة


البداية كانت في قرية ابو دياب


المنقسمة الي ابو دياب شرق و ابو دياب غرب


بحكم كون د/نبيل طبيب الوحدة الصحية بالقرية كانت صلاته عديدة و معارفه متسعة


و بصحبة عدد من اصدقاؤه ذهب لزيارة البدو الموجودين في المنطقة


و في البداية بيحكي عن ان حياة البدو بهرته جدااااااااااااااا


شافهم بأمّ عينه بيعالجو مرض السكر بمسحوق الترمس


و شافهم بيعالجو و لا مؤاخذة البواسير...بعيد الشر عننا ...........بلبن الصبار


و الآم المعدة بزيت البيض


و بيقول ان كل ده حقيقي فعلاااااااااااااا و شافه بنفسه


لدرجة ان تخيل ان الناس ديه هيا اللي دهنت الهوا دوكو و اللي خرمو القرش من ناحية واحدة
هههههههههههههههههههههههههههههه


و بعد زيارة للبدو المقيمين بالمنطقة و تمضية بعض الوقت معاهم


قرر الذهاب لزيارة منطقة الجبال المحيطة بالمكان


و تحديدا كولة ابو ليله


يعني ايه بقى كولة ؟؟


كولة هيا المصطلح الدارج لكلمة مرتفع او جبل متوسط او بمعني ادق منطقة تتناثر فيها الجبال حول واد محدود


و في الطريق للكولة سمع من المصاحبين ليه العديد من الحكايات الشائعة عن الكولة


و انها تحوي كنووووووز لا حصر لها


و انها تحوي ايضا............الاحجار السبعة ؟؟!!!!!


و بسؤاله عن الاحجار السبعة ؟؟


جاوبه احد المصاحبين ليه انها سبعة احجار ضخمة بضخامة الهرم كانت موجودة في وادي كولة ابو ليلة........ثم اختفت ذات يوم و لم يعد لها ادنى اثر


طبعا دكتور نبيل بيقول انه ضحك كثيراااااااا و سخر من القصة لكن الراوي اصر عليها بشدة و ان والده بذات نفسه راي الاحجار ديه


المهم



وصل دكتور نبيل للكولة


و بيقول بنفس اللفظ......"لن يمكنني ابدا ان اصف لكم مشاعري و انا اشاهد هذه المنطقة للمرة الاولى"


بيقول دكتور نبيل انه شاف امامه دائرة من الجبال المتوسطة تحيط بمنطقة منبسطة تماما


و كلمة منبسطة ليست مجازية ابدا


فباستثناء بعض الحصى الصغير و الاحجار المتناثرة بفعل عوامل الطبيعة


كانت الارض المحاطة بالجبال منبسطة تمااااااااااااااماااااااااااااااا ؟؟!!!


على نحو يستحيل وجوده في الطبيعة


مما يوحي بان هذا المنطقة تم تمهيدها و اعدادها لامر ما ؟؟!!!


و لما طلع دكتور نبيل احد الجبال المحيطة بالمنطقة و شافها من اعلي


لاحظ بوضوح شديد بقايا اثار سبعة اجسام ضخمة وسط تلك المنطقة المنبسطة


و بعد قضائه فترة من الوقت في ضيافة سكان الكولة


سال د/ نبيل العديد من كبار الكولة عن قصة الاحجار السبعة ؟؟


و الكل بلا استثناء اكدّ القصة و ان فعلا كان فيه سبعة احجار ضخمة جداااااااااااااااااااااا في المكان و اختفت فجأة


و طبعا اختفاء سبعة اجسام بهذه الضخامة امر مثيرا و عجيب اووووووووي
*********************************


لحد ما ظهرت قصة جديدة عن الكولة ؟!!!



بدأت الحكاية لما كان د/نبيل بيتكلم عن الاحجار السبعة في حضور الحاج حنفى اكبر معمر عرفه د/نبيل في حياته


توفي عن عمر 145 عاما


ايوه......مائة و خمسة و اربعين عاما


و الحاج حنفي ده كان شخصية جادة جداااااا معندوش وقت للهزار او اللعب


مش بيتفرج على تليفيزون او بيسمع راديو


الحاج حنفي حكي ايه ؟؟؟


اتكلم الحاج حنفي عن طائرة من طراز ما وصفها بوصف اشبه بالهليكوبتر لكن الكلام ده كان في اثناء الحرب العالمية التانية ........يعني طانو لسه مخترعوش الهليكوبتر


مالها بقى الطيارة ديه ؟؟


بيحكي الحاج حنفي ان الطائرة مجهول الهوية ديه هبطت في كولة ابو ليلة و خرج منها رجل و امراة يرتديان زيا فضيا لامعا


و طبعا اخواننا الصعايدة اترعبوووووووو من اللي شافوه و على راسهم الحاجة حنفي


و هجمو على الرجل و المراة و قدمو ليهم تحية معتبرة بكل شومة معاهم لحد ما قضو على الرجل و المراة تمامااااااااا


هههههههههههههههههه


و بعد كده هجمو على الطيارة و حطموها و احتفظ كل فرد من المشاركين في الهجوم و منهم الحاج حنفي بقطعة من الطيارة


الجزء الجاي انا هنقله بالحرف من الكتاب لانه بجد روووعة


هههههههههههههههه


بيقول د/نبيل ..:


"و لان الرجل طيب القلب فقد وافق بعد ثلاثة ايام و بعد ان خمن انني قد بلغت الدرك الاسفل من الإذلال على اني يريني تلك القطعة و غاب يوما رابعا ثم اتى ليريني قطعة من القماش المهترئ ، من الواضح انها كانت مدفونة في مكان ما ، و فتحها ليخرج منها قطعة من معدن لامع حوالي عشرين سنتيمترا في ثلاثين سنتيمترا ما زالت تلمع و كأنها جديدة و عليها جزء من نقش لم يمكنني تمييزه ابدا...


و لكن المدهش انها و على رغم من حجمها هذا كانت خفيفة الوزن الي حد عجيب


و في هذه المرة لم يفلح تقبيل الايدي و الاقدام او حتى ال (.....) فقد رفض الحاج حنفي تماما ان يترك قطعة المعدن هذه و كانها ميراث يحمل اعتبار و كرامة الصعيد كله"



المهم


الحاج حنفي وعد دكتور نبيل انه يخليه يشوفها مرة تانية لما دكتور محمد حجازي صديق د/نبيل ييجي معاه


و بعد كام شهر جه فعلا د/ محمد حجازي


لكن الحج حنفي مجاش


لأنه مات


و بيأكد د/نبيل انه كان و مازال مصرّ ان القطعة ديه جزء من سفينة فضاء او من عالم اخر


حتى لو سخرت الدنيا كلها منه


لأن من راي ........ليس كمن سمع ؟؟!!!!


*******************************
حكاية تانية و اخيرة من الكولة


سمعها د/نبيل من عم حارس خفير الوحدة الصحية المسنّ


كان د/ نبيل و صديقه د محمد حجازي بيتكلمو عن كولة ابو ليلة و بيتناقشو فيها في حضور عم حارس


و اكتفي عما حارس بمتابعة الحديث في صمت


لحد ما سأله د/محمد حجازي اذا كان يعرف حكاية الاحجار السبعة ديه ؟؟


و هنا ؟!!!!!


فاجئ عم حارس د/ نبيل و د/ محمد حجازي بقصة بقصة خلت شعر راسهم يقف من الرهبة


ببساطة مدهشة و تلقائية بلا حدود روى عم حارس انه شاف الاحجار السبعة في طفولته و اعتاد اللعب عندها كمان بحكم ان منزلهم مجاور موقع الاحجار السبعة


لكن ؟؟؟


في ذات ليلة خرج والد عم حارس ليروي الارض على ضوء القمر و عاد فجاة مذعور و مرعوب و روي انه شاف امر عجييييييييييب ؟؟


شاف حجر ضخم لامع بيهبط من السماء ثم يخرج منه رجل يرتدي زي فضي و على راسه كرة من الزجاج الداكن


و ان الرجل ده الصق بعض الاجسام المستديرة على الاحجار السبعة الضخمة فارتفعت كلها الي السماء و اختفت وسط الظلام قبل ان يعود هذا الرجل لمركبته و ينطلق بها


و في الصباح ذهب والد عم حارس و عدد من اقرباؤه للتاكد مما حدث


و فعلا لم يجدو ادنى اثر للاحجار ؟؟؟؟!!!!!!!!!


هكذا و ببساطة مدهشة و من بين شفتي رجل لا يعلم بعد انهم اخترعو التليفيزون او الفيديو او الراديو
وصف والد عم حارس سفينة فضاء و رائد فضاء بزيه اللامع و خوذة التنفس على راسه ؟؟؟!!!


ازاي واحد مشافش تليفيزيون او سمع راديو حتى انه يوصف الوصف الدقيق ده ؟؟!!!



و العجيب ان كل سكان المنطقة اكدو صحة ما قاله عم حارس


و ان ما رواه والده حقيقي و حدث فعلا
************************


لحد هنا و خلص كلام د/نبيل و حكايته


و للامانة الادبية انا كتير من الكتابة اللي فاتت اقتبستها من كتاب د/نبيل


يعني اغلبه مش اسلوبي انا


لكن ؟؟


اللي جاي من اسلوبي انا ؟؟


خليني اشارككم اسئلتي اللي مش عارف اجابتها عن الحكاية المذهلة ديه


كولة ابو ليلة ؟؟


تفتكرو الكلام ده كله حقيقي و حصل فعلا ؟؟


ايه اللي حصل للاحجار السبعة ديه ؟؟


و ايه اصلا طبيعتها ؟؟؟


هل كانت تابعة لحضارة غير ارضية وضعتها هنا بغرض دراسة و تسجيل حياتنا ؟؟


و لما احتاجو ليها بعتو حد ياخدها ؟؟


اللي هوه رائد الفضاء اللي وصفه عم حارس


؟؟


و يا تري فعلا المنطقة المنبسطة ديه ايه طبيعتها ؟؟


شكلها و انبساطها الشديد بيوحي انها كانت معدة لاستقبال سفن فضاء


حاجة زي مهبط طائرات يعني ؟؟


تفتكرو ده صح ؟؟


و الادهي ؟؟


القطعة المعدنية العجيبة ديه ؟؟


و الادهي و الادهي بقىىىىىىى


ان كل الحكايات ديه كانت على لسان ناس بدائية جداااااااا



محدش فيهم شاف تليفيزيون او سمع راديو عشان يبقى بيألف مثلا


و المدهش انهم بيوصفو بدقة شديدة حاجات احنا دلوقت بنشوفها كل لحظة في التليفيزيون ؟؟؟



اانا عن نفسي مقتنع تماااااامااااااااا براي د/نبيل


مش عشان اعجابي بيه ؟؟
لأ


لانه و زي ما قال
اللي شاف مش زي اللي سمع


و هوه شاف


و شاف اوووووووووي


انا آسف عالتطويل


انا حبيت بس انقل الحكاية كلها بكافة تفاصيلها


عشان تشاركوني و تقولولي ايه رايكم ؟؟

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ashab3alatool.gid3an.com
قلب بلا نبض
Admin
avatar

عدد المساهمات : 307
نقاط : 665
تاريخ الميلاد : 16/09/1991
تاريخ التسجيل : 28/08/2009
العمر : 26
العمل/الترفيه : مافيش
المزاج المزاج : تمام الحمد لله

مُساهمةموضوع: رد: "كولة ابو ليلة".......قطعة من كوكب آخر على ارض مصر....مش مصدق ؟؟....طب ادخل و شوف   الجمعة فبراير 26, 2010 1:29 am

غريب بجد

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ashab3alatool.gid3an.com
 
"كولة ابو ليلة".......قطعة من كوكب آخر على ارض مصر....مش مصدق ؟؟....طب ادخل و شوف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» امسك مايك وكون الملك مع برنامج السنايبر "نسخة ممتازة"
» فلسطينية ويهودية تمثلان اسرائيل في مهرجان "يوروفيجين- 2009 " بموسكو
» صورة نملة "حاملة أثقال" تفوز بجائزة أولى في التصوير
» من امثال الامام علي بن ابي طالب "عليه السلام"
» "ديكتاتورية" / رزان غانم

صلاحيات هذا المنتدى:لاتستطيع الرد على المواضيع في هذا المنتدى
اصحاب علي طول ::    :: قصص واقعيه-
انتقل الى: